ما عوضوني
خالد المطيري6 بيت
- 1ما عوضوني غيابك لا ولا يملون◆فراغك اللي تركته فيني بغيابك
- 2هم لاحظوني حزين وليتهم يدرون◆اني معاهم وقلبي معلق فبابك
- 3من غبت أحس بحياتي مالها أي لون◆غاب الفرح وابتسامة قلبي باسبابك
- 4ولسان حال العيون اللي رجتك عيون◆ليت الطريق اللي عني مبعدك جابك
- 5وشلون بقوى غيابك واحتمل وشلون◆وانت اللي تدري أنا اموت فيك واحيا بك
- 6يا عون قلبي على بعادك أنا يا عون◆مسكين اذا مر طيفك فز و هلى بك