اللي جرالي
خالد المريخي8 بيت
- 1والله وبديت أشغله وأطري على باله◆بديت أذوّب خفوق اللي مذوّبني
- 2ياكثر ماقلت في نفسي هنياله◆مرتاح مايدري إن الهم عذبني
- 3إللي جرى لي بدا هالحين يجرى له◆ولو أنبوني ضميري ما يأنبني
- 4ماعبّر الروح يوم الروح مياله◆قربت له بس ماحاول يقربني
- 5والله لأخليه دامه منّ بوصاله◆وأصد عنه مع إن الصد يتعبني
- 6بعذّبه لين يتعب وأرأف بحاله◆ماهو عشانه.. أخاف الله يحاسبني
- 7وأعلمه كيف يقسى وأفعل أفعاله◆وخله يعاتب إذا وده يعاتبني
- 8خله يذوق الألم يصعب على حاله◆مفروض يتعب مثل ماهو متعبني