نعم شاعرك
خالد الفيصل13 بيت
- 1نَعَمْ شاعْرك وافخَـرْ بالسّمـاوه◆وسامٍ فيـه عـزْ ولـه حـلاوه
- 2وانا وَلَدْك وجندي مـن جنـودك◆حَدِرْ لازمْكْ في حَضْر وُبـداوه
- 3أحبّك واحترم رايـكْ واطيعـك◆وفـيٍ بالرّخـا ويـوم القسـاوه
- 4وافاخر بالملك ـعمّي ـواجاهر◆وانبّه من علَـى عينـه غشـاوه
- 5ملكنـا غالـيٍ والعهـد غالـي◆وغالي الـرّوح للغالـي فـداوه
- 6فهد زَيْزُومنا فـي كـل ساحـه◆ظَهَرْ له بالوغَى ضرس وْضراوه
- 7نصادق من رضَى عنّـه ملكنـا◆ومن عـاداه لـه سـمّ العـداوه
- 8إذا عـاداه غـاوي ردْ يـمّـه◆وقـدّم لـه مراسيـم الرّضـاوه
- 9يجي عنده ويشكي سـوْ حالـه◆علَى جفْوَى الملك شاف الشّقـاوه
- 10مثل مأسورْ يبكي عنـدْ فـارس◆يبي عفـوه وهبّـات الطّـراوه
- 11مريضٍ علّتـه غضبـةُ فهدنـا◆وقالوا يـا طبيـب الوقـت داوه
- 12عَذَرْهُم شيخنا من كبر شخصـه◆وكفّـه بالعطـا يقطـر نـداوه
- 13يقولـه شاعـرٍ يفـدي عمامـه◆ولا يبغي علَى الرّاتـب عـلاوه