لا هنت
خالد الفيصل14 بيت
- 1لاهنـت يــا راس الرجاجـيـل لاهـنـت◆لاهان راس(ن) في ثرى العود مدفون
- 2و الله مـا احطّـك بالقبـر لـكـن آمـنـت◆باللـي جعـل دفـن المسلمـيـن مسـنـون
- 3منزلـك يـا عـز الشـرف لــو تمكـنـت◆فـوق النجـوم اللـي تعلّـت علـى الكـون
- 4سكنـت دار المجـد يـا شيـخ و اسكـنـت◆شعبـك معـك فـي منـزل العـز ممـنـون
- 5صنت العهـد يـا وافـي العهـد مـا خنـت◆علمتـهـم وشـلـون الاشــراف يـوفـون
- 6كم ظالـم(ن) عـاداك و اعفيـت و احسنـت◆و اخلفـت ظـن جمـوع نـاس(ن) يظنـون
- 7شلـت الامانـه حافـظ(ن) مــا تهـاونـت◆شفنابـك رجـال(ن) علـى النفـس يقـوون
- 8ياللـي طلبهـا المـلـك بالـحـب زيّـنـت◆عرشـك بتـاج قلـوب شعـب(ن) يحـبـون
- 9لوّنـت تـاج الملـك مــا قــد تلـوّنـت◆مـا غرّتـك دنيـاك مـا صـرت مفـتـون
- 10بالزهـد و المعـروف والصـبـر كـونـت◆منهـاج فيصـل منـهـج الـلـي يعـذلـون
- 11تلفّتـت روس المخالـيـق ويــن انــت ؟◆ويـن العظيـم ؟ و عـوّد الشـوف مطعـون
- 12كـم خافـق(ن) وقّـف عقـب مـا تكفّـنـت◆وكـم ناظـر(ن) ذوّب ســواداه مـعـزون
- 13لـو شفـت حـال النـاس عقبـك تبيّـنـت◆مقـدار حــب الـنـاس لـلـي يــودّون
- 14ممـا بقلـبـي قـلـت : يـابـوي لاهـنـت◆وإلاّ انـت فـوق القـول مهـمـا يقـولـون