لا تكسر الفانوس
خالد الفيصل10 بيت
- 1لا تكسـر الفانـوس والليـل داهـم◆اترك بصيص النور يمكـن يقدّيـك
- 2مثلك يصيـر بلعبـة الوقـت فاهـم◆لو ما عطيت الوقت وش لون يعطيك
- 3الغـاوي اللـي بالخيـالات واهــم◆لا يسمع الهادي ولا هـو بهاديـك
- 4لا تستمـع لاهـل النمامـه تراهـم◆يبون شبـة نارهـا بيـن أهاليـك
- 5واحرص على جيران دارك عساهـم◆يثنون لى جاك العدو طامـع فيـك
- 6الأهـل تقـوى بالمـودة عصـاهـم◆والقوم تخشى جمعك اللي يباريـك
- 7ماتبـري القلـب العطيـب الدراهـم◆ولاتعيـد العافيـة كثـر اداويــك
- 8حار الفكر والطـرف بالليـل ساهـم◆وشوفـات فكـري بددتهـا لياليـك
- 9ثـور عجـاج مدلـهـم وجـاهـم◆وراه نوٍ ناصـي خضـر أراضيـك
- 10الله ينجـي دارنـا مــن بـلاهـم◆والله مـن شـر الليالـي ينجيـك