الستين
خالد الفيصل10 بيت
- 1مرت الستيـن والشايـب طفـل◆توي أدرس في كتاتيـب الحيـاه
- 2مرت الستيـن مـازال الجهـل◆كل ما جيت استره يكشف غطـاه
- 3مرت الستين فكري مـا اشتعـل◆كلمااشعل جذوتـه وقتـي طفـاه
- 4مرت الستين دربـي مـا كمـل◆واقف في راسـه أتأمـل مـداه
- 5ألتفت والوقـت يدفعنـي عجـل◆ماانتهيت من امس وباكر ذا سناه
- 6كل يوم أقـول فـي باكـر أمـل◆وان حضر باكر رجيت اللي وراه
- 7أرفع الهقوات لـو حظـي نـزل◆واقنص القاع الذي ما احد وطـاه
- 8المراجـل مـا بطلبتهـا خجـل◆يخجل اللي يقدر الطيب وعصـاه
- 9السنين اشعـار والشاعـر مثـل◆يفهمه من شاف بالعقـل وقـراه
- 10أكتب الايام في شعـري غـزل◆كل بيت عاش في عمري حيـاه