أعذرني يا سيدي
خالد الفيصل16 بيت
- 1أعذرني يا سيدي الزّمان◆فيني على الدنيا عتب
- 2الرجل حيّرها المكان◆و العين حيّرها العجب
- 3تغيّرت كل الامور◆و احترت في مفهومها
- 4النايمه قامت تثور◆و الصّاحيه جا نومها
- 5النجم ماهو نجمنا◆و الليل ماهو ليلنا
- 6و الصّوت ماهو صوتنا◆و العشق ماهو عشقنا
- 7تمطر ولا يظهر نبات◆و نبات ما جا له مزون
- 8وعيون ما فيها حياة◆و حياة مافيها عيون
- 9اسافر بفكري و أتوه◆و اناظر بعيني قريب
- 10في عالمي زحمة وجوه◆وانا مع الزحمه غريب
- 11صقــّار ماعندي صقر◆خيّال ماعندي فرس
- 12بيني و فرحات الدّهر◆من لعبة ايّامي حرس
- 13قصيدتي لعبة عمر◆و خيالتي صهوة سحاب
- 14غنّيت في شمس و قمر◆حضرت في لحظة غياب
- 15طالت مسافات الزمان◆وشلون ابقطعها مشي
- 16فراغ مليان المكان◆و خيالنا اصبح غشي