احتاج لك
خالد البذال12 بيت
- 1احتاج لك حاجة غريبٍ للأوطان◆ضاعت حياته بين ديره وديره
- 2اشتاق لك أحيان، وأحيان، وأحيان◆والفكر يمك كل يومٍ أديره
- 3ولهان اشوفك، صدق ولهان ولهان◆وأفز لا جابوا لك الناس سيره
- 4أقوم واقعد والتفت واسهر أحزان◆وجروح قلبي من غيابك خطيره
- 5احبك بصمتي واحبك بالاعلان◆وماهمني كثر الكلام وقصيره
- 6انت المهم و انت الأهم وين ماكان◆و أشياء لك في وسط قلبي كبيره
- 7ياكثرهم حولي من فلان وفلان◆وماغيرك اللي له عيوني سهيره
- 8شافوك في عيني وحبك لهم بان◆شافوك وماتوا بين حيره و غيره
- 9غنيت لك أحلى كلامي والألحان◆وغنيت لك شعرك وغنيت غيره
- 10من كثر ما احبك ترى الكل زعلان◆هم كيفهم كلٍ يحكم ضميره
- 11حبك في دمي باقيٍ كل الأزمان◆كل ماذكرتك نبض قلبي يثيره
- 12أنا حبيبك و انت لي اصدق انسان◆بيني وبينك حب واشيا كثيره