ليل المفارق
خافق12 بيت
- 1ليل المفارق والسهر والنَّاس◆هذي جروحٍ تسكن غيابك
- 2والهم ساكن خافقي لا باس◆شكوى حبيبٍ ضاع بسبابك
- 3بس السما وعيوني الجلاس◆دونك ولا سامرت اهدابك
- 4مابين لحظات الغلا ونعاس◆شعر السهر بالحيل يزهابك
- 5انا مع نجوم الوله حراس◆وقلبي بطريق البعد يهذابك
- 6في عتم هجرك محتري نبراس◆ماشفت ضي الوصل قد جابك
- 7كلما يعانق خلوة الهوجاس◆اقول طاري الليل هّلابك
- 8صعب العمر دونك بليا انفاس◆في صدر عاشق ويتغنابك
- 9تعزف على باب الحنين اجراس◆مشاعري تاقف على بابك
- 10مريتني بين الرجا والياس◆والقلب يهمس بالخفا عتابك
- 11ورى زوايا الروح لك مجلاس◆شوقي على لاماك يشقابك
- 12لا ياعذاب الحب والإحساس◆وين ابتدي والعمر اقفابك