الشهره
حمدان بن محمد بن راشد13 بيت
- 1الشهره راشد الماجد على عيوني غمامة حزن تمطر هموم◆ولا انبتت في خفوقي غير عشب الزهر
- 2والحال هذا لو يطول معاي ويدوم◆آخاف يزرع بساتين ويكون نهـر
- 3يا سآارقه من عيون المحب حمدان نوم◆الليل رجع علي النوم ليه السهر
- 4ليه السهر دام قلبي من غلاك محروم◆وانا في حبك اذوب وعاشق ومنبهر
- 5العام كنت آستلذ الشوق في كل يوم◆واليوم ما غير مره واحده في الشهر
- 6تروم تزعل علي لكن انا ما آروم◆لا يمكن آزعلك في سر ولا جهر
- 7جمالك المحتشم خلاك شخص محشوم◆وعفافك النادر يزيدك في عيني طور
- 8مثل القمر نور وجهك في الظلام الكتوم◆واذا تبسمت مثل الشمس عند الظهر
- 9لو ان عمري مهر قربك انا قبل اسوم◆انا اللي بسوم العمر لـ آجلك مهر
- 10ولا تصير خصمي انا مانيب آهاب الخصوم◆وش لون آهاب البشر وآنا ما اهاب الدهر
- 11الله خلقني على الدنيا حصان عزوم◆عسفني محمد المكتوم وآنا مهر
- 12لو النجوميه تورث عيال النجوم◆من باب حب الظهور الشخص منهم ظهر
- 13الشهره تغير العالم في وجه العموم◆لكن ما غيرت حمدان يوم آشتهر