صاحب الهجر
حمدان بن محمد بن راشد المكتوم13 بيت
- 1يا صاحب الهجر هجرك ويش سوّى بي◆ويلك من الله ترفّق في عباد الله
- 2نحلت عظامي من الهجران و ثيابي◆لو تستر الجسم ماهي تستر العلّه
- 3بكرة توقّف من اللهفه على بابي◆نفسك من الشوق والحرمان منتلّه
- 4لو تفقد أعصابك أنا ماسك أعصابي◆ذق ما يذوقه حبيبٍ كان متولّه
- 5عتاب قلبي على الهجران وعتابي◆عليك يا بو رموش وقذلة هلّه
- 6لا تسأل الناس عني لنّك ادرى بي◆ولا تذكر الشوق لا كثره ولا قلّه
- 7إن كان قلبك الى من جيت هلّابي◆بعد البطا فانت قلبي كنت محتلّه
- 8أعطيتني بعض ودّك لكن الغابي◆أعطيته لشخص ما يستاهله والله
- 9ما سامحك يالغلا والشوق غلابي◆غدرت بي بعد ما خذت الغلا كله
- 10بعلّمك عن سبب واحد من اسبابي◆يدعو إلى الحزن واللي يسألك قله
- 11ما زوّد الحزن إلا غدر الأصحابي◆يا ليت قلبي حجر أو ليتهم قلّه
- 12هاجر يا أول غرامي وآخر أحبابي◆أنا عزيزٍ ما يرضي حبّه يذلّه
- 13سيفي يقص الحجر من قو مضرابي◆لكن أنا للضعافى ماني أسلّه