خاسر اللي يعد
حمد المغيولي10 بيت
- 1خاسر اللي يعد الحب له راس مالـي◆والله اني بعد جربت وضعه ماريـده
- 2والله اني مااعدك ياابعد الناس غالـي◆بعد ماشفت من جوره وهمـه وكيـده
- 3وعساي ان هويت بعمري اللي بقى لي◆يفقدن من دحيم ويفقـدن مـن فريـده
- 4بعد جربت واجـد قلـت ياهملالـي◆من تورط ببنك الحب يفقـد رصيـده
- 5من جحيم الموده يكفي اللي جرى لـي◆انشد اللي يجاذب عبرته فـي وريـده
- 6درستنا الليـال وعلمونـا الرجالـي◆والغرام المزيف يقطـع الله حصيـده
- 7وحسايف سهر عيني بسـود الليالـي◆ساهر اشرب الدله واسـوي قصيـده
- 8كم تعنيت لاجلـك جمـل الله حالـي◆لاجل عينيك عاني من بـلاد بعيـده
- 9كان قلبك من اللي ينعش الروح خالي◆بعت حبك برخص ولاحيـاة زهيـده
- 10مير خلك بفالـك واتركينـي بفالـي◆عن غرامك طويت اليوم صفحه جديده