يا حامل الاثقال
حسين المحضار6 بيت
- 1يا حامل الاثقال خففها شوي ذا حمل ما ينشال◆عاد النجد قدامه حسر وجبال يا مصعب مناله
- 2ابكي على الاطلال واذكر واعتبر وش حول الاحوال◆واصحابي غدو بعد الجفا ما طال كل بعد حاله
- 3هل عادني ع البال او قدني وبس في سلة الاهمال◆لا اخبار تبلغني ولا مرسال وش حد الرساله
- 4قلبي لهم ميال وعيوني عليهم دمعها سيال◆لا والله مهما قالوا العذال ما اصغي للمقاله
- 5متى متى ينجال هذا الغيم وتحط فوقنا الاسبال◆نتلاقى محل ما تلتقي الأوعال واشبال الغزاله
- 6الصبر يا رجال بكره تنفرج ويحلها الحلال◆والمقصود يتحقق مع الآمال يالله بالجماله