مابتتحرمش
حسني عبدالله جاد19 بيت
- 1باين طبعك عِنَدي وكداب◆اما باقولك ارحل ياعذاب
- 2إن كنت عنيد أو تتعاند◆انا برضه عنيده
- 3واوعاك تتصور في خيالك◆أنا لعبة جديدة
- 4تفرد في شباك انت فاكرني◆ح اتعلق بيك
- 5وتقول أشعار ح تغرقني◆في بحور لياليك
- 6لكن على مين المرة دي◆وانا عارفة حكايتك
- 7وقريت في قاموس غرامياتك◆اللعب هوايتك
- 8أصلك بتواعد وتدوب◆في قلوب عاشقين
- 9واهو ياما وقعوا كتير قبلي◆دا صحيح مساكين
- 10مابيعرفوش انك أكبر◆خاين وحسود
- 11تسرح وتمشي بخطاويهم◆في طريق مسدود
- 12روح روح صدقني◆ازاي حاتحب
- 13ولايمكن يوم◆وافتح لك قلب
- 14وان كنت بتحسب في كلامك◆له ميت مفعول
- 15كان ممكن قبل انت ماتنطق◆تصدقني القول
- 16لكن دا طبعك ماهو انت◆عليه اتربيت
- 17و الغدر فيه دايما غالب◆مهما ادَّاريت
- 18انت اللي جيبته كده لنفسك◆خلتني اقول
- 19واكشف عمايلك وأقولك◆ارحل على طول