كنت بسأل كل مرة
حسني عبدالله جاد20 بيت
- 1كنت بسأل كل مرة◆شفت فيها طيف خيالك
- 2مين دي بس اللي بجمالها◆خلى عقلي مش معايا
- 3رد قلبي بيجاوبني◆هيه دي اللي مقسومالك
- 4هيه دي اللي غطى نورها◆كل افراحي وهوايا
- 5والقى نفسي بتحاسبني◆انت إيــــــه اللــي جـــرالك
- 6لما عشت ايام بطولهـــــا◆وانت مش سامع ندايا
- 7انت لو بس تطاوعني◆روح لغيها وخد ف بالـــك
- 8اما تبقى معاها خــــــــدها◆جوه قلبك ف الحنايا
- 9حتى عيني بتكايدنـــي◆لما شافت نــــــــور جمالـك
- 10من يوميها ناسيه نومــهـــا◆وجاتني تحكي من البداية
- 11والعين عيوني◆اللي شافت حسنها
- 12والقلب قلبي◆اللي حس بهمسهـــــــا
- 13والنفس نفسي◆اللي حبت رسمهــــــــــا
- 14أما اللي خلت كل دول◆رهن لإشارة منها
- 15هوه انتي ياللي في كياني◆صاحية نايمة للنهاية
- 16ياللي وحدك ساكنة قلبي◆مانتي حبك غير طبيعــــــي
- 17طب تعالي بس جمبـــــــي◆ياورده ناديه في ربيعي
- 18أول المشوار معاكــــــي◆وآخرة المشوار كمــــان
- 19كلمة الحب اللي عنــــدي◆عايز اقولها واعيد كمان
- 20ياللي روحك حته منــــي◆ياريت قابلتك من زمان