غني ياعصفور
حسني عبدالله جاد21 بيت
- 1غني ياعصفور◆وافرد جناحاتك
- 2وطير لفوق في السما◆ودغدغ مشاعرنا
- 3وانزل كمان ع الشجر◆قصر مسافاتك
- 4علشان ننول الهنا◆والقرب يسعدنا
- 5واسمعني ياعصفور◆اسمع كلام قلبي
- 6مهما تعدي بحور◆تاخد معاك حبي
- 7وان غبت عني شهور◆ارحمني من غلبي
- 8وارجع لي ياعصفور◆وافضل هنا جنبي
- 9العمر عدى وفات◆بين الشجن والآه
- 10وجت عليا ساعات◆نفسي في حب القاه
- 11واتاريني ياعصفور◆لما ظهر طيفك
- 12ساعتها قلبي اتخطف◆والعقل تاه وياه
- 13حبيبي ياعصفور◆افهمني من فضلك
- 14معرفش الف وادور◆هاعلن كمان حبك
- 15واقول في قلبي حاجات◆ان انت أغلى الناس
- 16واحفظ هواك وارعاك◆بالرقة والإحساس
- 17دانا في قلبي حنان◆يكفي البشر ويزيد
- 18والله عايش بحبك◆من غير ما اقول واعيد
- 19سامعني ياعصفور◆وفاهمني ياعصفور
- 20وتعالى ياعصفور◆دا اليوم في قربك عيد
- 21
وغني ياعصفور