ضيعتني بهجرها
حسني عبدالله جاد23 بيت
- 1ضيعتني بهجرها◆واما جت كلمتها
- 2وحاولت تاني أردها◆حبت ودارت حبها
- 3نسيت ودادي◆وياما كنت بودها
- 4نسيت وفائي◆والوفا كله لها
- 5ضيعتني بغدرها◆وانا بغباوتي
- 6للديابة سيبتها◆للي فطباعهم ذلها
- 7خانت ونسيت عهدها◆ياما قلت ف حبها
- 8سلمت قلبي لأمرها◆وقولت اسيبها لطبعها
- 9من جلسه اولى◆روح لغيري وحبها
- 10أما انا ايوه انا◆لقيت طريقي ودنيتي
- 11وانت ياعاشق◆عمرك ماكنت بقسمتي
- 12أيام وعدت وانتهت◆انت مكانك دنيتك
- 13وانا مكاني في جنتي◆ولما قالت وانتهت
- 14في ثانية واحدة اختفت◆مشيت وحتى ماسلمت
- 15ولا كلمة واحدة اتكلمت◆خلعت من قلبي الآهات
- 16والعن واسب الذكريات◆واقول حرام العمر عدى
- 17واقول خلاص العمر فات◆حرمت احب واعشق وأغير
- 18مدام مصيري نفس المصير◆وأنا قلبي ياما جنيت عليه
- 19مع ناس تبيع حتى الضمير◆ح اعيش واكتب أجمل الأشعار
- 20للحب لأه ... الحب كله مرار◆وآخد كلامي في حضني
- 21واطوي في الاسفار◆ح اطوف بحور وبحور
- 22واسبح مع الأنهار◆واحفظ حياتي ونفسي
- 23
من قبل ماتنهار