دلوني_ياهل_الهوى
حسني عبدالله جاد20 بيت
- 1دللوني ياهل الهوى◆الغالي فين الاقيه
- 2وامشي بلاد وبلاد◆حتى الهلاك امشيه
- 3واجمع له ورد الجناين◆بالحب اقوم واهديه
- 4وان كان في ضيقة والم◆بحياتي اروح وافديه
- 5اصل انا عايش عشانه◆بارتوي بعطفه وحنانه
- 6وان سقيته كاس محبه◆امتلك قلبه ولسانه
- 7وكل مايشرب ويشرب◆التقيه باح عن غرامه
- 8والتقية وبخط ايده◆انه زاد شوقه وهيامه
- 9وانه مايستغنى عني◆وانه صادق في كلامه
- 10عشت بالفرحة اغني◆اكمني عايش في كيانه
- 11بس ياخساره اختفى◆ومقالش ابدا عن مكانه
- 12هوه عايز يختبرني◆ويشوف هوايا قد ايه
- 13لأ مالوش حق ف عمايله◆وكل عمري بين ايديه
- 14يسأل الأيام تقول له◆يسأل الذكرى تناجيه
- 15يسأل الحرمان ف بعده◆قد ايه قلبي يقاسيه
- 16مش ح اصدق انه عايز◆يختبر حبي وهوايا
- 17وازاي اصدق لأنه عارف◆ان قلبه عاش معايا
- 18عاش ينور سكتي◆عاش وخلا دنيتي
- 19دنيت فرح دنيت مرح◆دنيا نشوانة لسمايا
- 20بس ياخساره رحل◆مع انه كان اليوم معايا