بقى بالذمة دي حاجة تفرح
حسني عبدالله جاد22 بيت
- 1بقى بالذمة دي حاجة تفرح◆والا دي حاجة تجيب الغم
- 2لما نشوف اولادنا بتطلع◆شايلين خيبة وحبة هم
- 3ودي مش خيبة◆دي مليون خيبة
- 4لما تشوف انت ح تعذرهم◆ويجوز تبكي عليهم دم
- 5نجري قوام ونقول تعليم◆نفضل نجري ع التقديم
- 6نسهر ليلنا ونشقى ونتعب◆حتى نوفر كم مليم
- 7ابن السته حياخــــــــــد درس◆قلنا وماله يلا نخـــــــــــــــــــــس
- 8نربط حبه ف حبه ماناكل◆الا يدوب بطلوع الـــــــدرس
- 9قلنا اهو بكره حيبقى طبيـــــــب◆يصلح حالنا اعــــــــــــز حبيـــــــــــــب
- 10ماحناش عارفين ايه راح يجرى◆ولا عارفين للفــــــــــــــــرح نصيب
- 11بعد شويه لقينا الواد◆دخل الثانوية
- 12قلنا حنعمل وولاد عمي◆اكبر جمعية
- 13علشان نقدر نصرف دايما◆اصل المادة حتاخد منا
- 14بعد مانشف ريقنا قولولي◆جاب لنا كام
- 15جاب 90 في الميه ياودب◆ماهو اصله همــــــــــــــــــــام
- 16قلنا خلاص الطب اهو اراح◆يلا وماله بس ارتاح
- 17يلا قوام نختار كليه◆قلنا مافيش غير الإعلام
- 18دخل الجامعة وعدى سنيــه◆أصله مذاكر ينصر دينــــه
- 19بعد الجامعة راح ع الجيــــــــش◆قلنا يسدد برضو ف دينه
- 20خلص جيشه استنـــــــــــى وظيفتـــه◆قالو استنى اما يجيــــــــــك دورك
- 21حيروح فين ماهو تاه من حيرتــــــه◆يعمل ايه والشور اهو شــــــــــــــــورك
- 22أصل الدور مش جاي طول عمره◆قــــــــــول لنا حــــــــــل يكتــــــر خيرك