أكل المحشي... مناوشة ضاحكة
حسني عبدالله جاد19 بيت
إهداء
هذه المناوشة كانت بيني وبين الدكتور احمد الليثي الذي أمتعني كثيرا بمناواشاته ومشاكساته حول النساء
- 1دا كلام من واحد مقهـــــور◆كان نفسه ف شوية محشي
- 2راح اسماحه اصله معـذور◆متعشي بشويــة طرشـــــي
- 3رايح اسكت وبلاش تفسيــر◆أصل الأمر بجد خطيــــــــر
- 4الدكتور طفشـــــان م البيت◆مرعـــوب دايما م السواطير
- 5فين العزة اللي تقول عنهـــــا◆من غير ست كريمة تصونها
- 6والا عشان ماهو انت الراجل◆تبقى السيد .. الله يعينهـــــا
- 7شنبـــات شنبات شنبـــــــــــات◆ولا دي غـــــــــزل البنـــــــــات
- 8شنباتنا موضتهــــــــا قديمـــة◆قول رحمـــــــــة على الشنبات
- 9اللي انا سمعه طلوع الروح◆نط ورقص لطير مدبــــــوح
- 10هوه عشان ماكلتش محشي◆جاي تقوللي مش مسموح
- 11بقى بالذمة ماكلتش محشي◆ولا جربت ف مرة تـــــدوق
- 12اكل المحشي ياباشا مـزاج◆جرب صابع وانت تــروق
- 13بس ازاي ح تطوله ياقلبـــي◆وانت كمان محروم ياعنيـــــه
- 14لو فكرت للحظة ياغالـــــــي◆في ان الست دي اغلى هديه
- 15قــال بتتـــربس عمــال تحبـــس◆تحبس مين دا كــــلام اوهــــــام
- 16خاف على نفســــــك لما تنـــام◆برضة حتيجي وفي الأحـــــلام
- 17جايبة ساطور مسنون واكياس◆عاملـــــة حسابهــــــــا ولقــدام
- 18كتبت يافطــــــة فــــــوق الـــدار◆قرب شيــــل الكيلو بكـــــــــــام
- 19روحت يادكتور والله بــــــلاش◆روحــت ياعيني ف هرس كلام