هذي الحقيقه وافهم العلم وعفاك
حسن عامر آل عيسى13 بيت
- 1يالله يامن تسجد الخلق لرضاك◆ياواحدٍ مالك شريك ومثالي
- 2أنك تقدينا لتقواك وهداك◆ياباسطٍ عرشك على الكون عالي
- 3يالادمي أسجد وسبح لمولاك◆الخالق الفرد الصمد ذو الجلالي
- 4وأد الفروض وحاسب النفس وخطاك◆من قبل لا تطويك سود الليالي
- 5لاتنخدع لو زان وقتك ودنياك◆من طال عمره ذاق مرٍ وحالي
- 6الوقت لويضحكّ بعدين بكاك◆قد خادع اصحاب الرتب والمعالي
- 7الموت لو عدا لغيرك وخلاك◆لابد من يومٍ تشدّ الرحالي
- 8ولا اظن به مسلم بوقت القدر شاك◆غير النفوس بغيها ماتبالي
- 9لنا عبر كم غادر ملوك واملاك◆فالحاضره ولاّ السنين الخوالي
- 10شفنا وعايشنا ويا وقت ما اقساك◆لكن على كثر العبر ما نبالي
- 11ما وطي جدانك في العمر واباك◆باقي يجيله عند بابك مجالي
- 12الموت للحيين خادع وفتاك◆ودنيا تغرّ وعاقبتها الزوالي
- 13هذي الحقيقه وافهم العلم وعفاك◆ببيات شعر اللفتها من خيالي