نافق وجامل وكل الناس يطرونك
حسن عامر آل عيسى11 بيت
- 1نافق وجامل وكل الناس يطرونك◆يقلون مافيه مثلك واحد ثاني
- 2ان كنت صادق جميع الناس يشنونك◆تصيرمذنب كبير وغيرك الجاني
- 3ياللى على نيتك لا تحسن ضنونك◆نيتك هذي توديك بخبر كاني
- 4اصدق وتلقى جميع الناس يرمونك◆بقلة المعرفه زورٍ وبهتاني
- 5لكن بيع الضمير وبين اسنونك◆واضحك لهم زور لو القلب ملياني
- 6وجهين في وقتنا ماعد يمشونك◆كثّر وجوهك بحسب فلان وفلاني
- 7لاتسمع اهل المبادي لايهمونك◆وان طعتهم عشت طول العمر فقراني
- 8راوغ تثعلب لديّانك ومديونك◆تابع ميول الزمن في كل الاحياني
- 9ان جاتك الفرصه اسرق خلص ديونك◆الفرصه ان روحت ظليت ندماني
- 10هذا زمان العب العب بين افنونك◆وان كنت غلطان قولوا ليش غلطاني؟
- 11واذا تورّطت انا ماشوني بشونك◆هرجت مثل البشر والهرج مجاني