ماكل من ينتخي ويقال له ونعم
حسن عامر آل عيسى13 بيت
- 1ماكل من ينتخي ويقال له ونعم◆قد المهمّه ولو فتّل شناباته
- 2ولاكل منهو زعم صادق بما يزعم◆يبين بعض العرب من كبر زعماته
- 3ولا كل من قيل فندم يعتبر فندم◆كل بفعله وتاريخه وبصماته
- 4ولا كل لحيه تحق القدر وتحشم◆أقول علم وكيد وعندي اثباته
- 5صديقك اللى يجيلك قبل ماتزهم◆كب الذي في مطيحك يظهر اشماته
- 6أقرا التواريخ والتاريخ مايرحم◆عندي قناعه بما تحويه صفحاته
- 7اكتب بيوت الشعربالجدّ و نظّم◆واختار زينه ولا اخجل من عباراته
- 8واذا كويت انضج الكيّات بالميسم◆من ضيمها تصحي النايم من سباته
- 9لو تخطي الراس ابد ما تخطي البرطم◆واللى مريض اعرف علاجه ووصفاته
- 10حذّرت لكن قبلي ناس ماتفهم◆تحسب الشعر فول بوسط جراته
- 11من يعترض في طريقي والله ان يندم◆وان ياكل الحنظله وتزيد حسراته
- 12والحمد لله لا انا اكذب ولا أظلم◆أوصف حقيقة فعوله باعترافاته
- 13مثل المحقق يبين صورة المجرم◆لوكان يحسب حسابه واحتياطاته