كني من أهل الطيش والعنصريه
حسن عامر آل عيسى20 بيت
- 1ياهاجسي ياهاجسٍ يبهج الجاش◆يا ماخذن بدع المثايل مطيه
- 2احذر يهزك هرجهم واربط الجاش◆تراك في يمناي سيف المنيه
- 3ماعاش من حاول يعذرب ولا عاش◆من قال غير الحق من سود نيّه
- 4اضرب على روس الحيا يا ولاوباش◆لاتاخذك رحمه براعي الخطيه
- 5الياسمعها صابه الخوف وارعاش◆خلّه يذوق الذلّ لارحم حيّه
- 6خلك مثل عطر الزهر ينعش انعاش◆اوصيك في مدح الجماعه وصيه
- 7ماني وانا علي بلاشٍ ولد لاش◆الماقف الغصاب يملي عليه
- 8اجازي الطيب على طيبته كاش◆ورثي ولا جاني من احدٍ هديه
- 9ولاّ الردي يزعل ويرضى على ماش◆راعي خزا وعلوم نقص ورديه
- 10اسمع شطر بيتٍ ومحفوظ فالجاش◆الحرّ حرٍ والحديا حديّه
- 11عشره بيوتٍ ياعلي تدهش ادهاش◆بكبودالاعداءكنّها الحضرميّه
- 12مثل الرصاص الحيّ محرق ورشاش◆في يوم كلٍ يحتمي في خويّه
- 13من هاجسٍ لاقال ماهو بغشاش◆ينطق بصدق ولايحبّ الفريّه
- 14اذا سمعت الصوت راسي لهاشاش◆كنّي من أهل الطيش والعنصريّه
- 15ياجعل يفدوك الهلايم والادباش◆أهل الخنا وأهل العلوم الدنيّه
- 16ياصقر ياللى فالسماء مدّ الارياش◆الصقر ابو منقار مافيه زيّه
- 17الصقريثبت والغرانيق تنحاش◆لاصار للبارود بالجو فيّه
- 18كبّ الرخوم اللى على الكذب تعتاش◆من العفن والذّل ماهي بريّه
- 19يبقى الجبل ثابت وتنهار الاعشاش◆ما اهتز من هبّ الرياح القويّه
- 20دوس الثعالب والعقارب والاحناش◆لا عاش راسٍ ما احتمى بالحميّه