رديه مععدة شعراء
حسن عامر آل عيسى25 بيت
- 1يأهل النفاق الله يقطعكم ويمحاكم محي◆أيلا متى وأنتو على ذالحآل يأصحاب النفاق
- 2الكذب فيكم لآقبل ووجيهكم مآتستحي◆يآمرحبا في ذمتي وآرررحب عليه بالطلاق
- 3المصلحه حطت حليق الدقن مثل الملتحي◆والزور والبهتان والتطبيل سببّ الانشقآق
- 4من حبكم للمآل سرتو هرج عوجان اللحي◆الفبركه حلوه طعم والمرجله مرة مذآق
- 5من كثر مآشفت الخطا سيلي عليكم منتحي◆شآعر ولآبيني ولآبين المهآبيل أتفاق
- 6كرآمتي تفرض علي أصحي اللي مآصحي◆وأن مآصحي خميته بكفي على خده طرآق
- 7سعيد بن رحمه -قطر◆يشوش راسي للقصايد و الأداء المسرحي
- 8لا صدرت بين اليمن والشام وحدود العراق◆وش الله ابلشنا في أقوال الخميني وابطحي
- 9انا اشهد ان الصبر في بعض المواقف ما يطاق◆بانت علامات الخيانة كنها شمس الضحي
- 10واصبح لكم لحيه وشارب في بلاد الواق واق◆ما صار من عقب الصعود الا النزول المروحي
- 11والعشرة اللي تبتدي بخيانة آخرها فراق◆قل للحيايا في حثول السذّج امسي واصبحي
- 12من مقسم اللي ماعطاه الله دين ولا خلاق◆لكن لو دارت رحاة الحرب يا حب الرحي
- 13الجعجعة مابعدها الا الطحن والا الاحتراق◆ياقافية بقعا على مافات داوي وإجرحي
- 14وترقّبي لحظة دخول الكفو ميدان السباق◆أبيات ماهي بسحر والا شعوذه والا وحي
- 15والشعر عندي مثل سرعة حافر وعين البراق◆من سرعة الهيض أمسك عقالي واكفكف مشلحي
- 16أهجم تقول انّي هدود البل يلا شاف النياق◆يابنت فكري عن قصيد الكل شومي واشطحي
- 17لاتتبعين الغافل المصطحّ والفكر المعاق◆أخشى على الشاشات لايصبح مناحي دنّحي
- 18بعد إنفقاع الإقتصاد يصير للوضع إنزلاق◆يمكن بعدَها من خسارة غيري أخسر مربحي
- 19والناس تاكل بعض من كثرة عناق الإختناق◆حمد بن مسفر الشمراني _ ( الطرقي )
- 20يالخيل فالمضمار صولي واستعدي واجمحي◆والسابقه تنعد وتسمى من الخيل العتاق
- 21أغيرها وعدها عد الخرز في المسبحي◆اثيرهاو ديرها حتى تبادر باللحاق
- 22واللى تعثّر حين يبدون السبق ماتنجحي◆والرابحه تلقى من الجمهور تقدير وعناق
- 23أجري على البيداء وفوق البحر غيري واسبحي◆واذا استشد الوضع بيبان الكذاب من الصداق
- 24للعدل والميزان كفه بالعداله ترجحي◆واجمل كلام اذا تحلى بالجناس وبالطباق
- 25يا كلمة التوحيد والسيف الرهيف الاملحي◆ماهمك أهل الغدر واصحاب الحناجر والزعاق