رجل كما الصقر يطلع فوق
حسن عامر آل عيسى16 بيت
- 1بعض الاوادم مجرد بوق◆ولامثل طبلة الطبال
- 2تلقاه بين البشر مزنوق◆والناس تعقل وهو عيّال
- 3ولافيه عنده خبر موثوق◆والكذب دائم صفة لانذال
- 4واذا لقى له عشاء وعلوق◆الناس قامت وهو شغال
- 5الصحن قبله يحوقه حوق◆ولاتنشرى رفقته بريال
- 6يكثر من الرز والمرقوق◆ويقول ذي مهرة الأبطال
- 7واذا تهرج غدا لقلوق◆يكرر الصوت والموال
- 8مثل المحرّج بوسط السوق◆يزعجك صوته كما الدلال
- 9مطفوق لاقيل لك مطفوق◆ينثر علومه كما الغربال
- 10ماهو لسرّ الخوي صندوق◆ولايستمع كلمة العذال
- 11وان قيل هذا عديم الذوق◆لاشك ذا حال من لاحوال
- 12الله خلق بالعباد فروق◆ورجال في كل وقت رجال
- 13رجلٍ كمالصقريطلع فوق◆ورجلٍ مكانه بجنب نعال
- 14ورجلٍ يخون الخوي ويبوق◆ورجلٍ وفي يحمل الاثقال
- 15ورجل كما قيل مثل الدوق◆ضاري على قول روح تعال
- 16وكم واحدٍ شاربه محلوق◆وهو كريم الأبو والخال