بذكرالله المولى نبدا صباح الخير
حسن عامر آل عيسى12 بيت
- 1بذكر الله المعبود نبدأ صباح الخير◆وسلام يعم قروبنا من صفا نيه
- 2عسى الله يسعدكم جميعا كبير صغير◆دعيت الله المعبود سرّ وعلانيه
- 3ويديم الأمن في موطن العز والتطوير◆على طول دورات الضروف الزمانيه
- 4وطنا وطنا مهبط الوحي والتكبير◆اذا الفخر جاء حسب الضروف المكانيه
- 5ويالله تسددنا وتغفر لنا التقصير◆يا من نزّل آيات الكتاب القرآنيه
- 6ويالله تجمعنا على الود والتقدير◆وتمحي صفات التفرقه والأنانيه
- 7ومن مجتمعنا تبعد الغش والتزوير◆وتزيل السلوك السيء والعنفوانية
- 8مع نسمة الفجر المبكر سمعت الطير◆على زين هبات الصباح اليمانيه
- 9يغرد ويسجع باللحون ويحث السير◆مابين الزهور الحمر والأقحوانيه
- 10ماهو صوت بعض الناس جنبي لهم تشخير◆مثيل القطار اذا انتحى للسفانيه
- 11مشبب وبن طلحان والدوسري وعمير◆اذا نام واحد قمت اسدد فذانيه
- 12وانا مثلهم لا نمت لاكن صوتي غير◆مثل صوت عصر الفاكهه البرتكانيه