اللى يريد الخير ربي يدله
حسن عامر آل عيسى11 بيت
- 1اللى يريد الخير ربي يدلّه◆ومن نيته بالشر مخزي ومنكوب
- 2وشكوى لغير الله عقاب ومذلّه◆اطلب من الله الولي فاتح البوب
- 3يعقوب قال أبثّ شكواي لله◆والله ردّ الشوف لعيون يعقوب
- 4ابيضّت العينين والدمع هلّه◆والله جعل شفياه في ريحة الثوب
- 5وايوب اصابه ضّر والسقم حلّه◆عشرين عامٍ والصبر صبر أيوب
- 6عافاه ربي مبريٌ كل وعلّه◆ومن تحت رجله فاض مغسل ومشروب
- 7ويونس بقاع البحرباسباب زلّه◆في بطن حوت وليل مظلم ومحجوب
- 8نادى كريمٍ كلنا تحت ظلّه◆ربٍ يغيث العبد لاصار مكروب
- 9سبحان من سمع النداء من محلّه◆علاّم مافي الكون من سرّ وغيوب
- 10سبحان من قدّرّ حساب الأهلّه◆بأمره مسير الشمس بشروق وغروب
- 11سبحان ربٍ كوّن الكون كلّه◆محصي فعول الخلق حسنات وذنوب