الايالله اني طالبك ياعليم الغيب
حسن عامر آل عيسى11 بيت
- 1الا يالله اني طالبك يا عليم الغيب◆تديم الستر والأمن في كل الاحوالي
- 2وجودي وجود الزير سالم لاخوه كليب◆بعدما مشت لاقدام بالمرقب العالي
- 3أخيل على وادي ( هده )حلة اهل الطيب◆بيوتٍ خراب دورها مالبشر خالي
- 4قفارٍ خوالي مابها غير صوت الذيب◆عفيٍ مزارعها من الجال للجالي
- 5وشلّيت صوتي وانثنى لي صداه يجيب◆واثاري على قول المثل وحدي لحالي
- 6ونظّمت لي بيتين رتبتها ترتيب◆ودمعي من العينين بالحيل همّالي
- 7وتذكرت يوم العيد نحظر شباب وشيب◆نصلي نعايد بعض من غير جوالي
- 8وتذكرت كم واحد لنا يكثر الترحيب◆يضيّف ولا عنده تجاره ولا مالي
- 9وكنا مثل لاخوان من دون شك وريب◆وبعضنا حفي لاقدام مايملك نعالي
- 10ووقت العواني ماحد من الرجال يغيب◆نشيل الثقايل كلها قصار وطوالي
- 11حياة البساطه قربت بيننا تقريب◆وحياة الترف كلن يقول مالي مثالي