وين اروح
حسان العبيدلي8 بيت
- 1وين اروح وكل شارع في دبي◆لي بها يا خافقي ذكرى معاه
- 2وين اروح وصورته في كل حي◆اعكسه الضي الشوارع مع ضياه
- 3كان في قيض انتظاري مثل فيّ◆كان جنحاني اذا طرت بسماه
- 4كان شي وصار فيني كل شي◆مو مصدق كيف سوى بي غلاه
- 5كان في عتمة ليالي الحزن ضي◆من ملا عينه ومن عيني خذاه
- 6كان حلم وضاع فجأه من يدي◆وما عشقني من بعدها قلبي سواه
- 7كل شي يا دبي في ملاقاك حي◆بس من دونه فلا تحلى الحياه
- 8امنك قلبي امانه يا دبي◆خبريه اني على رجوا لقاه