لاح براق السحب
حريبان روق15 بيت
- 1لاح بـراق السحـب مـن كـل قبله◆وخيلت ذكـراك من عقب ارتدامه
- 2المطر يجمـع شمـل خـل/ن بخله◆وانـت ما غـرك علـي غر الغمامه
- 3يا خلـيل المـزن هـل الوصـل هله◆ربـع بـ قلـب/ن طـوا حالـه هيـامه
- 4كل غيمه لا ابتسمت اينوض وبله◆يـا فداك 2000 ضحكه وابتسامه
- 5مـا خذن كل الحـلا .. والـزين كله◆يـا ضريف الطول ما بعدك فخامه
- 6الخصـر تقـول .. منحـوت/ن بـدله◆وخـدك مجملـه غمـازه وشـامه
- 7وناعس/ن برموش عينن مستضله◆مـا دريت انه ليـا سلهـم سهـامه
- 8يسبـي القلـب الخضر لو هو فطله◆ويـش عـاد ان كـان فكـيـت الثـامه
- 9يـا حبيبـي المحبـه ساقهـا الله◆ساقلك قلبـي .. ولزملـك خطـامه
- 10لا تعـقـد الحـبـل مـا غيـرك يحـله◆مع ضحايا العشـق لاتحكم عدامه
- 11والـهـواء لـغـز وعـجـزنـا لا نحـله !◆ولاعرفنـا كيـف نمشـي في نظامه
- 12ايتقـدس كـل .. شـعـب وكـل مـله◆ومـن هـوا فـي غبتـه مالـه سلامه
- 13شف عيونـي يـا نظرها كيف ذبـله◆تسهـرك وهجـوع خلـق الله نيـامه
- 14طيـف زولـك لا دلهـم اليـل سـدله◆قلطـه صـدري .. وشبـله عضـامه
- 15شب ضـوه من ضلوع/ن مضمحله◆من كبـر قـدرك ومـن عالـي مقام