خيول الذكريات
جموح6 بيت
- 1يراودني شعور .. اني أحبك اكثر مْن اول◆وقصتنا من اولها .. تبي ترجع من اولها
- 2كثير احلامنا كانت بكبر الحب تتأول◆لذلك .. لا تطوّلها .. لذلك .. لا تطوّلها
- 3خيول الذكريات بمهجة المشتاق تتجول◆كأن العشق في قلبي على روحي مخوّلها
- 4لو انْ كل القصايد فيك تتلحن وتتمول◆بدندنها .. والحنها .. واغنيها .. واموّلها
- 5بخيل الليل في قربك دخيل الليل ما طول◆لو انّ الامر بيدي شمسنا بحضر تجولها
- 6واقول: تحبني وتقول طبعاً اكثر مْن اول◆وقصة حبي وحبك نرجعها من اوّلها