فى حضرة الثورة للشاعرمحمدأسامة البهائى
ثورات التغيير العربية44 بيت
- 1وعلى قلبك البنور حط الحمام لابيض◆اتعلق فى توب جلابيتك طفل صغير
- 2عايز يملس على جناح الحمام◆قومى دوقيه طعم الآمان
- 3وأنت بتعدى بوقت أخطر◆الحرية بجد جايه تتمخطر
- 4من كل عمارة من كل قصر◆من حناجر الهوانم والجوارى
- 5م الفقرا والمحرومين ..◆اللى بيوحد واللى بيتلت
- 6وحدنا بربنا والوطن كان دين◆أوعاك تكفر بالوطن ولا بالبنى آدمين
- 7حضن الوطن للى آمنـــوا◆مش للى يستعبدوا البنى آدمين
- 8سقط النظام سقط الرئيس◆ولسه هنفتح على أخره الهويس
- 9لحد مانطهر بحرنا ونزيح من على قلوبنا العكاره◆كل الشطوط قصادنا ونور الفنارة
- 10بس أحنا نطهر قلوبنا ونخلص فى الطهارة◆شقت الأرض روحها وطلعت الناس..
- 11وناس جنب ناس صبحت ملايين كتيرة◆شب الشباب وأهتم بالجموع الغفيرة
- 12ونا م اللى شفته فى التحرير.. مابقيتش فى حيرة◆من 25 يناير لحد ماوصلت للجمعة الأخيرة
- 13وروح الشهدا رفرفت فى مواكب ملايكة◆باركت ثورتنا المُعجزة .. المُنجزة
- 14الناس خدتها جلالة الوطنية◆ياترى الشعب فجر ؟ .. ولا
- 15واللى نهب كان فى النهب مغلول◆ماكانش آدمى زى كل البنى آدم .. دا كان غول
- 16ياريتك ياعدل تجيب العوج معدول◆ماكانتش مصرى هاتتعدى الأصول
- 17ويتلايم ع الغلة والمحصول◆ولا وقفنا فى وش الظلم والظالم
- 18أفتكرت لإنقلاب على الملك◆والضباط اللي قالوا معادش ملك
- 19وراح الملك .. مبقاش فيه ملك◆بأت جمهورية في أيد العسكر
- 20وقبل ما يخونونا .. خانوا بعض◆أفتكروا مصر تورتة وقسموها على بعض
- 21ما خدناش حقنا م الأشتراكية◆مشينا بالشعارات .. وهما قاعدوا ع التكية
- 22الشرطة ماقدرتش ع الطوفان◆خرجوا بصدور تقابل الرصاص
- 23وأرواحهم بتقابل الموت◆خارج من حناجرها كلام لمصر
- 24وبنفس الحماس وأملنا فى التغيير◆أديت التحية ياشعب مصر
- 25وتعظيم سلام لحضرة الثورة◆وفى حضرة الثورة
- 26نَفَسّك لابد و إنه يبقى طويل◆وياخد ويدى بالك فى الئال والإيل
- 27ومانفرحش بتورتة سقوط النظام◆لأن ريحة فلوله لساها قاعدة ع المكاتب
- 28ومدفوسة جوة المراتب عايزة تخطف حلمنا .. وأمننا◆وزى مابعدوا الحقايق عننا .. غفلونا وأتغفلنا غصب ن عننا
- 29ومين مننا ماخدش نصيبه م التوهه◆ومين مننا ماعدش الساعات للفرج
- 30ومين مننا ضمن رجوعه لو خرج◆على رأى عم أحمد فؤاد نجم
- 31لما كانت ساحات الجامعة تتجمع على عودك ياشيخ إمام◆وقبل ماتوصل لـ حوش عيسى كل الشباب يتلم
- 32والدم يجرى فى العروق ع الشباب اللى شال الهم◆وحس طعم الوطن رغم المرار والذل
- 33لحد ماقال كلمته ويّ كل شبابك يامصر◆كنا نفهم بعض فى اللحظة
- 34بدون كلام ولا مشـــــــاوره◆فى وش خراطيم الميه والرصاص
- 35ووابل قنابل مُسيل للدموع◆كانت على آخرها الحناجر ..
- 36تصد مكر النظام وكتر المناورة◆حسـبوها احتجاج ومعارضة بتعاندهم
- 37حسبوها مظاهرات والأمن هـ يفضها◆حســـــــــبوا إن ليهم حد هايســـاندهم
- 38لما كانوا مطمئنين والبـــــلد فى إيدهم◆حسبوها ويحســــبوها زى مايحلا لهم
- 39أنتفاضتنا فى ربــــــوعك يامصر ثورة◆بعد الشهور من وقتنا المعلوم
- 40بانت الأجواء ملبده بالغيوم◆ومحدش عايز يعرف ولا شئ بيدوم
- 41الوعود بتطول وتنفيذها معدوم◆وقال مجلس وحكومة أنتقالية .. ياعيب الشوم
- 42أهو الشعب قام وهيفضل يقوم◆لحد مايلقى شئ واحد مفهوم
- 43نبعد عن نظرية حاكم ومحكوم◆ونطبق نظرية 25 يناير
- 44
الشعب يريد .. وما أدراك مايريد