الغربة
ثامر النعيم24 بيت
- 1غريب وآه يالغربة◆جروح وضيقة وكربة
- 2وجو ادنات ما اثر به◆حبيبي وينك وويني
- 3ترا قلبي فقد صبره◆وعيني هلت العبرة
- 4وجرحك جرح ياكبره◆وفيني ما يكفيني
- 5تعبت اصبر من الغربة تعبت اصبر◆اقول اني بخير وشينه احوالي
- 6احاول ارسم الضحكة وانا مقدر◆ماهي تركب على اللي فاقدٍ غالي
- 7يارب استر من الضيقه يارب استر◆غيابك جرح ياثقله على حالي
- 8انا مشتاق لك كبر السماء واكبر◆حرام انك تصد وتقطع وصالي
- 9اشغل موتري واروح◆واسلي قلبي المجروح
- 10وتطري ياحبيب الروح◆ويزيد الجرح جرحيني
- 11اخاف الموت ياخذنا◆وحنا ماتجمعنا
- 12حبيبي لاتقاطعنا◆طلبتك لاتخليني
- 13ياليل من الحزن ياليل◆وربي مابقى بي حيل
- 14عيوني ماتنام الليل◆يسهرني ويأذيني
- 15من اول ليلة الفرقى◆وعيني بدمعها غرقى
- 16وضيقي مانزل يرقى◆يزيد ولا يهديني
- 17غيابك مر وجروح الغياب امر◆احس اني مابين العالم لحالي
- 18حبيبي معك امانة لاتطول مر◆تراك الجاي والرايح على بالي
- 19غياب اللي تحبه قاسي ويقهر◆انا لو اني ماحبيتك اشوالي
- 20من اول يوم حبيتك بديت اسهر◆وانا كنت البسيط الدالة السالي
- 21وش اللي شفت بغيابك◆ماجاك الشوق لحبابك
- 22عسى ماشر وش صابك◆فقدتك يابعد عيني
- 23انا مليت من وينك◆تعال وسلهم بعينك
- 24وترا اللي بيني وبينك◆بيبقى بينك وبيني