الجندي
تركي الشريف12 بيت
- 1الجندي ده صغير شوية◆كبير عليه البندقية
- 2من الصباح صفونا طابور◆الى الامام للخلف دور
- 3الجندي دا عينه سلاحه◆فيهو جمال عمري وصباحه
- 4اقيف ليهو ارسل تحيا◆زاتو جبل ظلل عليا
- 5الجندي ده يمشي بهيبه◆وشه سمح مليان طيبه
- 6ابن الأصول متين يعطف◆قلبي اصطفاهو ليتو يعرف
- 7داير شنو قولولوه حاضر◆هسه انا تحت الأوامر
- 8حبو حرام يخفيهو عني◆اعمل شنو دا حتى مني
- 9الزول دا ما راح اسيبو◆يطلع زحل اطلع اجيبو
- 10مستني منو لو اشارة◆والحب نار تبدا بشرارة
- 11الزول دا الحسن فيهو◆كل الصبايا يتحنو ليهو
- 12قرع الطبول لما يعدي◆كنو عريس والخد وردي