ماني مصدق
تركي آل الشيخ10 بيت
- 1ماني مصدق ان قلبك خانني◆لا جت على بالي ولا توقعتها
- 2يمكنّها صحوة من الله جاتني◆وأشوفها بالفعل جت في وقتها
- 3جربت نسيانك وربي عانني◆لين استراحت نفسي اللي اوجعتها
- 4ومادامك اخترت الفراق ودامني◆لك حافظٍ عشرتك ولا خنتها
- 5اقول عل يصيبك اللي صابني◆وتذوق من طعناتك اللي ذقتها
- 6حتى يضيمك وقتك اللي ضامني◆وتعيش نفس الحاله اللي عشتها
- 7وما اطرد ورى المقفي ولا من باعني◆لك كنت نعمه بس ماقدرتها
- 8و ان فاتك قطار العمر مافاتني◆حتى لو اشيائي الجميله خذتها
- 9المسألة أكبر كثير ان كانني◆على حسب قسوتك انا حسبتها
- 10حتى ولو شوقي لدربك جابني◆ينبيك عن حزن الأماكن صمتها