ما نقصني
تركي آل الشيخ8 بيت
- 1مانقصني شي غير أني أشوفك◆ودون شوفك ناقصه أشياء كثيره
- 2تعرف ظروفي وأنا ما اعرف ظروفك◆والزمن مدري متى يصحى ضميره
- 3أنت لي ديرة رغم إحساس خوفك◆ورغم كل اللي حصل لي أنت ديره
- 4كيف ابروى كل ما أسمع حروفك◆وكل ما اسمع علم منك اشتاق غيره
- 5وكل ماحطيت بكفوفي كفوفك◆أشعر أن الأرض ماهي مستديره
- 6كيف اجازي طيب قلبك وامعروفك◆وغير سيرتك أنت مالي أي سيره
- 7والسؤال اللي أبي يسبق حلوفك◆ومتأكد يرجع الغايب مصيره
- 8هي متى عيني يجي يوم وتشوفك◆ناقصتني أشياء من دونك كثيره