ما ينقش العصفور
بدر بن عبد المحسن15 بيت
- 1ما ينقش العصفور .. في تمرة العذق ..◆وما وشوش الدبور .. زهرة الرمان ..
- 2والصدق .. ما زاعت أ رض جوفها بركان◆وما يحفر الأظفر في جلدة المجدور
- 3وش يخفي الإنسان .. الطيب .. المغرور◆عضيت أنا اجساد الحروف الواضحه ..
- 4يا اخت الطريق ..◆عضيتها صدق الشفاة الناضحه
- 5شهد وشري ..◆وكان الحديث .. جرح ٍ طري ..
- 6مضمد بالياسمين◆كان الحديث .. ما هو الحديث اللي تبين ..
- 7وش اللي تبين الصدق.. ؟◆وش الصدق ؟!غير الدفا والنور ..
- 8وما يقتل الإنسان الطيب .. المغرور◆لو قلت لك .. إني ضعيف ..
- 9هش ٍ كما ورق الخريف ..◆أو قلت لك إني أخاف ..
- 10أبكي .. واخفي عبرتي ..◆واني لبست .. ثوبي .. عقالي وغترتي ..
- 11با أجامل الليل .. والجفاف◆بيعجبك .. هذا الصدق .. وهذا العفاف .. ؟!
- 12بهديك أنا يا مهرتي .. سرج ٍ حرير◆وقلادة ذهب ..
- 13وأبا أشتري سيف ٍ رهيف ..◆لو ما بقى عندي ثمن .. نصف الرغيف ..
- 14اللي يسد الجوع ..◆والجوع .. صدق ..
- 15الجوع .. صدق .. وما سواه ..◆كذب .. كذب .. كذب