عذبة الاطباع
انور المشيري11 بيت
- 1عذبة الاطباع◆لو سألني الورد عنك .. علميني ويش أقول
- 2و ان وصفت أول جمالك .. كيف ابوصل آخره◆و انتي روضه من حلاها .. كحَّلت عيني الفصول
- 3رقّتك ورده و روحي .. كالطبيعه الساحره◆عذبة الأطباع و أكثر .. إنتي يالعفّ الخجول
- 4من لفيت الدنيا و انتي .. مثل غيمه ماطره◆عالية أصل و مطرها .. كل ما جاد بنزول
- 5مثلها إنتي كريمه و هيَ مثلك طاهره◆ميّزك ربي بملامح .. زادها نور و قبول
- 6و بعيونٍ منها غارت .. ألف نجمه ساهره◆هذا غير الشمس يا اللي جاها من حسنك ذهول
- 7و اكتبت في مدح زينك .. لين صارت شاعره◆مذهله في كل حاجه .. إنتي يا بنت الأصول
- 8في هدوئك .. في كلامك .. و المعاني العاطره◆لك تفاصيل إبتسامه .. تاخذ ألباب العقول
- 9بارده عالقلب كنْها .. نسمه حلوه عابره◆هذا إنتي و ما أبالغ .. لو أقول إنّ العذول
- 10من كثر طيبك دعا لك بالسعاده الغامره◆صدقيني إنتي غير .. و صدقيني لو أقول
- 11
إني يا روضة زمنّا .. إنتي حاجه نادره