بداية احبك
انور المشيري10 بيت
- 1من بداية أحبك لين ميت عليك◆شفني قدام عينك واصل لمرحله
- 2ودي آخذني مني وأهدي نفسي اليك◆غالي يرخص لغالي والعشم تقبله
- 3بسألك جعل فدوه و افدي عينك هذيك◆عينك الي من الله دعج و مكحله
- 4وش اسوي في قلبٍ ما يبيني يبيك◆و الي جننه حبك وش هو بيعقله
- 5الله يسعد جمالك لكن الله يهديك◆صرت من عقب زينك كل زين أزهله
- 6مالي عيني و أشوفك يا بعد مشتريك◆دانةٍ ما تتساوم بالمحيط أكمله
- 7من عرفتك وقلبي بين ضلعي ويديك◆وكثر ماكنت اعرفه صرت فيك اجهله
- 8هو في صدري وباله ماهو عندي عليك◆آه ما اكبر جنونه، وآه يا ما اجمله
- 9شوف لك حل فيني موت احبك و ابيك◆حب حتى خيالك صعب يتخيله
- 10من كثر ما انت غالي مدري شسوي فيك◆البعض من غلاته خاطرك تاكله