يامدوّر الزله
امجد الدبيسي16 بيت
- 1يامـدور الزلـه تـرى عنـدي ادواك◆اسمـع كـلامٍ عـارف انـه يداويـك
- 2قدرك تساوى اليـوم ياشيـن بأدناك◆ويـومٍ ورى يـومٍ يبـيّـن تدنـيـك
- 3الحسـد والحقـران شفتـه تغـطـاك◆واضح عليـك الـذل لامـن يغطيـك
- 4لاتقول كره الناس هـو مـن تبـلاك◆انـت الـذي شيـن النوايـا تبلـيـك
- 5ما اقول تنكر للـذي طيبـه اعطـاك◆لكن بترت يدين مـن كـان يعطيـك
- 6وكسرت كاس الخير من بعد ما ارواك◆ماودك احد يعرف وش كـان يرويـك
- 7ماني بمتحسف علـى لسـان وصـاك◆شفنـي نهيتـه لا يجيلـك يوصـيـك
- 8مرات ترقا الشيـن ومـرات يرقـاك◆ياويش نرجي منك ومن مـا يرقيـك
- 9ودرب الرجولـه لـو تجيلـه تنحّـاك◆فـي عزتـه يطلبـك تبـدا تنحـيـك
- 10لن الحقود انتـه وهـو مـن مسمـاك◆وطبع اليهودي صايـرٍ فـي تحليـك
- 11ولاخير في واحـد يسـوي سوايـاك◆تدري انا وش كنـت بـأول اسميـك
- 12صاحب عزيز بدنيت الخيـر ماطـاك◆لكني شفـت اللـي مـن الله يوطيـك
- 13وشفت السـواه اللـي تبيـن خفايـاك◆وابشر ترى وضحت وش كان يخفيـك
- 14وماقد طلبتك شـي مصـدره مخبـاك◆بالعكس كنت اعطيك واعطيك واعطيك
- 15روّح ماعاد ابغاك قـد عفـت دنيـاك◆اللـي لفـابـك قــادر انه يـوديـك
- 16هذا الكلام اخـذه وياقـل مـا جـاك◆واعذر قصيدي قصّر بكرهـك وفيـك