شمس وظلال
الوافي7 بيت
- 1قلب ٍ يحبك فيه لوعه وضيقه◆وانته تغلى بالمحبة وتختال
- 2ان كان عندك حل شف لي طريقه◆خايف تحطم بيننا كل الامال
- 3القلب غيرك بالهوى مايطيقه◆كان انت تسمع كل حاسد وعذال
- 4انا عهودي بالمحبة وثيقه◆والله احبك من عرفتك ولا ازال
- 5حاير وتايه بالبحور العميقه◆هذا ولاكنه خطر لك على البال
- 6اموت بين الثانيه والدقيقه◆بين الحياة ولحظة الموت رحال
- 7خليتني بين الوهم والحقيقه◆احيان اعيش بشمس واحيان بظلال