بتغيب غيب
العاليه8 بيت
- 1بتغيب غيب براحتك ما جبرتك◆تعرف مكاني لا بغيته تدله
- 2ولا تحسب اني في غيابك عذرتك◆بعض الغلا ما يستمر بمحله
- 3آمنت بوفاك وندمت وكفرتك◆مبدأ لقيت ان الخيانه تحله
- 4كنك يمين و ما قصدت ونذرتك◆احيان تنهي راحة البال زله
- 5اعمى وردوا لي العيون ونظرتك◆اثرك ابد ما تملي العين للّه
- 6كنت الظلام ويا هناي ان سهرتك◆اثر السما غيرك نجوم واهلّه
- 7ما اكرهك منك اعتبرت و عبرتك◆دوم التجارب توصلك للادله
- 8بيني وبينك عشرة ولا نكرتك◆ماني من اللي ينكر بيوم خلّه