ازعل عليك
العالية8 بيت
- 1أزعل عليك ألفين مره من غلاك◆... مليون مره يوم تنكر غلطتك
- 2قلي اخطيت بدون ما دور وراك◆... مو حلوه ألقاها وتخرب صورتك
- 3أزعل عليك وكنت اعدي من غلاك◆... يا كثر ما تغاضى واساير خيبتك
- 4لا تحسب أني غافل وماني معاك◆... صدقني أدري قبل لا تفعل فعلتك
- 5أزعل عليك وحيل يهزمني هواك◆... يومك تناظرني واحس بعبرتك
- 6تقول اسف واحسب ان الله هداك◆... ترجع وتعملها علي وش قصتك
- 7أزعل عليك وذاك يزعل من هذاك◆... والكل يخطي وانت شايف دنيتك
- 8ما قلنا لا تخطي ولا قلنا ملاك◆... بس اعترف لي بيوم تعمل عملتك