بن زايد بن سلمان
الشيخ محمد بن راشد آل مكتوم25 بيت
- 1العز له ناسه وللمجد مدهال◆وصرح المعالي بالمعالي يشيد
- 2وكل وقت في وقته صناديد وأبطال◆واهل العلا دايم إلى فوق تصعد
- 3وهذا الزمان إيقود فرسانه إرجال◆لهم أسامي في المحافل تردد
- 4لي قدرهم عالي بتفخيم وإجلال◆من فعلهم دم المعادي تجمد
- 5ويوم إجتمعنا طاب في جمعنا الفال◆وعم السرور وطاير السعد غرد
- 6مع الكرام اللي غدوا مضرب أمثال◆وبالإجتماع الشعب هنا وعيد
- 7ما مثلهم في الناس مشبه على البال◆بس يشبه محمد بعزمه محمد
- 8هذا خلف زايد بفكره والأفعال◆وهذاك بو سلمان في عزمه أوحد
- 9متشابهين إثنين في كل الأحوال◆لأجل الوطن والشعب والرب يشهد
- 10بلا مجامل رمز في صدق الأقوال◆والفعل واحد مثل سيف مجرد
- 11من حربهم صاب المريبين زلزال◆في يوم كون ع المعادي موقد
- 12ومن سلمهم كل الدول تكسب آمال◆لهم تعاهد ولرضاهم تودد
- 13يفرح بهم من شاف من وقته إجفال◆ويامن زمانه من عليهم تسند
- 14واللي يحالفهم له تطيب الأحوال◆ولي ينصرونه لراسه يطيب مرقد
- 15واللي يصادمهم به تحيط الأهوال◆خصوص إن كابر وخالف وعند
- 16ولو كل من جا نال مطلوبه وطال◆إن كان ما صرنا ع الإثنين نحسد
- 17أنا خبرت الوقت وآعرف الأمسال◆وخالطت م الحكام أهل الزبرجد
- 18وسباع فيهم للمهمات مدخال◆أو لي لهم في كل تخريب مقصد
- 19وعرفت م الحكام من كل الأشكال◆ومن خبرتي هزري عليهم موكد
- 20وعشت الزمن مابين حل وترحال◆وشفت العرب كيف إتفرق وتحصد
- 21وماشفت في ماضي الزمان الذي زال◆إثنين ع راي وقلب موحد
- 22مثل بو خالد بعزمه والأفعال◆لي عز دولتنا بفضله تجدد
- 23ومثل بو سلمان مصلح للأحوال◆خلا السعوديه أسمها إيتردد
- 24وأشهد بأنا اليوم في خير ومنزال◆وأن الأمل فينا تبسم وعود
- 25وبلادنا في نعمه وأمن تختال◆والشعب بالقاده غدا الشعب الأسعد