هذي الامارات
الدكتور مانع بن سعيد العتيبه11 بيت
- 1هذي الامارات ترفل في مفاتنها◆ما مثلها عالبسيطه تنوجد دوله
- 2الحب والنور غطّى في مساكنها◆بين الحنايا ووسط الجوف محموله
- 3يفخر ابنها بها ومن كان ساكنها◆الخير فيها استمد ابعرضه وْطوله
- 4اللي بناها وقايدها مأمنّها◆دوله وبالحب والتقدير محفوله
- 5عالعالم اجمع بطيب الفعل مكّنها◆واللي حلم فيه اصبح شعبه ايطوله
- 6بين الدول صار يمتيّز تمدّنها◆وكل الدول من سحرها اليوم مذهوله
- 7ناموسه ايطيب من ينظر مواطنها◆تلقاه ذربٍ حشيمٍ فعل ورجوله
- 8بالفعل والجد والاخلاص لوّنها◆الارض تنبت ذهب من دوسة اريوله
- 9من طيب اهلها غدت تسمو اماكنها◆زرعٍ زرعناه نجني اليوم محصوله
- 10يا كاتب العز هذي حروف دوّنها◆اسمى المشاعر لاجمل دار مقيوله
- 11هذي الامارات بين العالم اعلنها◆انها فريده ومثلها ما بعد دوله