تلوح بروق
الجابر12 بيت
- 1تلوُح بروق من عينك أبد نظرات ما ترحم◆توّدي للسما و الآفاق فالأطباق سابِعها
- 2معاك أسرح عن الدنيا ودونك ما قدرت اسلم◆أمنّي النفس في قربك و في شوفك أسانِعها
- 3و صوتك لا سرى فيني .. كل ما دونه يستسلم◆صغيت أسمع لأخبارك .. علومك بس أتابِعها
- 4و حبّك لي تملكنّي .. يداهيني به الأغشم◆و عيني لازقَرَت بالشوق حذرك لا تواجِعها
- 5لأنك صعب ما تنطال عيون الناس بك تحلم◆و انت نجمه، عيون الاشراف تتمنى تطالِعها
- 6غلّاك اللي مغزّر له في قـلـبـي موُل لا تهتم◆تعيّيِ هروجهم ماتيك ولا يتبعك شايِعها
- 7في شوفك تبتهج عيني و طابت يوم تتبسّم◆لأن بك بسمةٍ ماقول غير: سبحان بادعِها
- 8تغار الشمس من تضوي يا كم تشرَه وكم تَظلِم◆و كم الناس من الغِيره تسيّل لك مدامِعها
- 9أعرفك قلب ما يخلى من الحب لا ولا يجدَم◆حشى والله قلوب الغير عقبك ما أرابِعها
- 10عسى منك ما خَلَت روحي عساني ماخلا واعدم◆و عساني مانحرم يا لين ياخذ النفس رافِعها
- 11انت لي تَسبق المعروف وتكرم قـلـبـي و تحشِم◆روحي في غلا حبّك على قمّة روايِعها
- 12أحبك قلتها عن حب .. أحبك لا ولا أندم◆و أحب محبّتك لأنك لروحي كل مطامعها