يا غرامي
اصايل12 بيت
- 1يا حياتي ويا غلاي ويا غرامي◆الله جابك نور ولعيني سنا
- 2يا احتِياجي ويا حياه ويا اهتمامي◆ما عنِك صدّه ولا عنِّك غِنى
- 3في وجودك ليه أنا أكمِّل كلامي◆أعشقك من الفرَح لين العنا
- 4أشبهِك في كِل شي إِلّا الأسامي◆يا أنا يا إنت يا إنت أنا
- 5يا شموخ ويا كرامه يا احتِرامي◆لين كفّي طاول النّجم وجنا
- 6يا سُمو ويا طموح ويا الْتِزامي◆من عِرفتك كِل هالعالم فنا
- 7يا فديتك من هِنا مليون عامي◆وكِل عامٍ زيّد العام بهنا
- 8إنت أغلى ومن غلاك لا ألامي◆إنت أغلى مِـ الحياه و مِـ الضّنا
- 9يا سحاب و يا كرَمْ إن جيت ضامي◆صِرت بعيوني مثِل وادي بَنى
- 10قلب (أصايل) عن هوى الباقين صامي◆وإنت عنهم تغْني فوادي غِنا
- 11روضتك عين الغلا لا ما تنامي◆لين غيرك قال بس الله لِنا
- 12إنت حبّك مُستحيل إنه يسامي◆زاد حبِّك كل ما العالم شنا