كل ما اشوفك
اصايل12 بيت
- 1كل ما اشوفك ابتسم بدون ما اشعر◆واقول في قلبي عسى الله يحفظك ليا
- 2يا اغلى البشر خف علي والله ما اقدر◆يكفي محبه وغلا .. يكفيني حنيه
- 3لا تندفع في غرامي .. لا تزيد اكثر◆قلبي ابتلى من غرامك هديه شوية
- 4من كثر حبك تخيل بس واتصور◆ابيك وما غيرك من الدنيا موليه
- 5كل لحظة حبك يا الغلا في داخلي يكبر◆الله على احساسك وطيبك والرومانسية
- 6غير الحلا والطيب تدري شـ الذي يبهر◆انك بمعنى الكلمة يا اغلى الناس شخصية
- 7حتى كلامك لم تتكلم ترى يسحر◆بالذات لما تقول وتتكلم بعفوية
- 8الله لو تدري وش كثر يا الغالي اتاثر◆لما تكلمني وايدينك تحضن ايديا
- 9غمض عيونك قرب اذنك راح اقول لك سر◆ما بيك تزعل مني خل روحك رياضية
- 10في ناس ساكنين بقلبي وانت حر◆يشاركونك حبي لك مية على مية
- 11حلووة ... ولكن لا تكررها ولا تغتر◆وقفت قلبي بهالحكي يا مبيت النية
- 12راضي انا لو شاركوني .. بحبك وبفخر◆امك وابوك بنص قلبك .. وما بقى ليا