انا تعبان
احمد علوي8 بيت
- 1أنا تعبان من نفسي، ولا منك انا تعبان؟◆ابي أرتاح، ابي أفهم، وش اسباب التعب فيني
- 2دخيلك بس احضني، ولا بحكي عن اللي كان◆حنانك، لمستك، روحك، دفا حضنك يكفيني
- 3تعبت اذوب محتاجك، وكلي ينتظر ولهان◆تعبت اشكي على نفسي ولا غيرك يهدّيني
- 4معك نيران تحرقني، رغم هذا أنا بردان◆وكل ضحكة من عيونك غصب عني تبكيني
- 5أنا تعبان مو قادر، تعبت اتنفسك حرمان◆ادور ادورك لهفه، و اضيع وما ألاقيني
- 6ضميت لكاسك اترجى تخليني بعد ضميان◆ابي اضمى بعد أكثر، ابي بايديك تسقيني
- 7بعذابي ووحدتي ساكت، أكسر خاطر الجدران◆أناظر وين ما اناظر، أشوفك بيني وبيني
- 8أذوب بناري من دونك مثل شمعه تذوب احزان◆مثل ريشه بمهب الريح، طلبتك لا تخليني